أبو الشباب مش لاقى حل يحل محل الحل الحالى
أبو الشباب مش لاقى حل يحل محل الحل الحالى

كلمات أغنية مش لاقى الحل يحل محل الحل الحالى أبو الشباب فديو

نقدك لكم كلمات أغنية مش لاقى حل يحل محل الحل الحالى خلاص لفرقة أبو الشباب والذى أستضافها باسم يسوف فى برنامجه البرنامج على قناة cbc نقدم كلمات الاغنية وفديو الاغنية من اليوتيوب .

مش لاقي حل يحل محل الحل الحالي خلاص
ولا حد يهمه الهم إهتم و هم الهمة يا ناس
ولا عالم يعلم علم يعلم عالم عاش محتاس
ولا عادل يعدل عدل بجد يعدل فالإحساس
بس فيه توك شو و خناق و شتايم إشتم ياللا و هيص
و جماعة بتكفر شعب بحاله كأنه ولاد إبليس
أصل الإخوة دول خونة و خانو الثورة خيانة خطيرة
دي جماعة سمع و طاعة و مرشد يرشد والباقي عيرة
أخر من دخل الثورة و أول حد يكسر فيها
الثورة دي ثورة شعب مفتح قال لك فيها لأخفيها
يا ريس مرسي مترسي و رسي الشعب ده جابك اختارك
و بلاش أهلي و عشرتي دي مصر يا ريس كلها دارك
إعلان دستوري يحصن كل كلامك ده عشان إيه ؟
و إن كان في كلامك خير للناس يبقى حتحصنه ليه ؟
شقيت شعبك نصين في الرأي أكيد مش في الكمية
و نزلنا نقولك لأ في كل ميادين الحرية
اديت ضهرك للشعب و مات شهدا و الدم أهو فار
و عايز تحصين قراراتك عشان إيه عشان إستقرار ؟!!
يا ريس عود لصوابك و إسمع من أهل المحروسة
ده الشعب عنيد و بيانك قلب الشارع حوسة و كوسة
مات جابر مات إسلام و محدش عدي علينا و عزة
نظرة لله يا ريس طيب اعتبرنا في غزة !!!
أما إنت يا عم المرشد قول لجماعتك بح خلاص
مبقاش في كلمة يمكن انتو أكيد بعتم في ناس
ياخي يلعن أم السلطة لو سلطاننا هزيل و ضعيف
فرحنا بربيع الثورة جيتو خليتوهلنا خريف
شاطرك عريانك بلتاجك و كمان بارضو مرسيك
أربع رجلين هش مسوس رافع بيهم كرسيك
حتنزل علي جدر رقابك مع أحبابك لو يرضيك
مصري يجي يقتل مصري أدم قصر خادم معاليك بيهم كرسيك
أنا مش لاقى حل يحل محل الحل الحالى خلاص

[tube]http://www.youtube.com/watch?v=6vaitLns3IU[/tube]

أبو الشباب مش لاقى حل يحل محل الحل الحالى
أبو الشباب مش لاقى حل يحل محل الحل الحالى

 

اترك رد